У Беларусі на 2025 год пашырылі спіс прафесій, на якія замежныя грамадзяне могуць працаўладкоўвацца ў спрошчаным парадку. Пра гэта паведамляе Мінпрацы.
У выніковы спіс увайшлі 41 рабочая прафесія і 18 пасадаў службоўцаў. Для палягчэння найму ў яго дадалі шэсць новых пазіцый: манцёр шляху, прадавец, слесар-сантэхнік, інжынер-электронік, тэхнік і электрамеханік.
Па гэтых прафесіях наймальнікам дастаткова пісьмова паведаміць у падраздзяленне па грамадзянстве і міграцыі цягам трох працоўных дзён пасля заключэння працоўнай дамовы, удакладняюць у ведамстве. Дамову па такой спрошчанай схеме дапушчальна заключыць толькі тэрміновую. Тэрмін яе дзеяння не можа перавышаць 31 снежня 2025 года.
У астатніх выпадках, каб узяць на працу экспата, спатрэбіцца атрымаць дазвол і пацвердзіць, што на вакансію не ўдаецца знайсці беларусаў ці замежнікаў з відам на жыхарства.
Нагадаем, раней Мінпрацы пашырала гэты пералік у ліпені гэтага года.
На 20 снежня ў Беларусі не хапае 165,6 тыс. работнікаў. Столькі прапановаў наймальнікі размясцілі ў агульнарэспубліканскім банку вакансій.
Чытайце таксама
